04 - Paracadutismo da la Tola
05 - El Triciclo intorno a la Tola
06 - Aver paura de l'acqua, ma voler toccare quella de la fontana del Lago Maggiore
07 - La puntura dalle Suore
04 - Paracadutismo da la Tola
Vivace mì? Conossendome ancò non sembreria mia, ma forse parchè a ghi no fate anca massa da piccolo...
Sarà stà che a go visto calcossa in television, tipo paracadutisti o tuffi de nuoto, ma sta de fato che un bel giorno a so saltà sù in zima a la tola, e me son scaraventà zò par tera, forse par vedare se zèro bon volare come Icaro, solo che ostrega a me mancava ancora le ale...
Risultato: pronto soccorso con un tajo in fronte, che a gò ancora ancò!
05 - El Triciclo intorno a la Tola
Quindi rinuncià de seguire l'aviazion, a gò pensà che zèra mejo metarme sule tre rue.
Eco i giri interminabili intorno a la tola col triciclo, e guai a chi me lo tocàva, anca se me mama qualche momento credo la andasse fora de testa e me lo sequestrava!
06 - Aver paura de l'acqua, ma voler toccare quella de la fontana del Lago Maggiore
Se l'acqua par mi la zè stà n'ossession, parchè se da picolo i me voleva sforzare a entrare in mare, eco che lassà libero de fare, zèro el primo a zercarla!
Così le fontane le zèra tute mie. Me ricordo e gò anca 'na foto de Stresa sul Lago Maggiore dove pur non rivandoghe a tocar l'acqua, me sforzavo al massimo allungando tuto el brasso par ciaparla, e par poco a non finisso dentro!
07 - La puntura dalle Suore
Ecco el me incubo: dover 'nare dale suore par farme fare la puntura, e come se non bastasse a fare tuti i richiami par le malattie più importanti, quella sul brasso contro la poliomielite la me gà fato proprio male ciò!
E se vede che da alora mi e i aghi non semo pi nà d'acordo, e quando ca vedevo suore in giro, zercavo de evitarle...
Anca el richiamo de l'antitetanica la me ze nà storta, parchè i ga d'averme ciapà vissin un nervo sula culatta, tanto che par far 200 metri par tornare casa a ghe gò messo pì de mezza ora, tanto sòto che caminavo!
Nessun commento:
Posta un commento