Da 6 a 9 ani

08 - El giro del Busalao
09 - Lavar la Radio
10 - Misurare con la matita el perimetro dei muri de la camera del papà
11 - Tastare i calici de Capodanno
12 - Metare insieme le balete de Mercurio del Termometro
13 - 'Ndar a far la Spesa da soli

08 - El giro del Busalao
Visto che continuare a girare intorno a la tola col triciclo, ghe fazevo girare le testa satuti, me mama me gà concesso de nar fora col bel tempo a girare intorno alle case del quartiere senza dover sendare dal marciapiè o atraversare le strada.

09 - Lavar la Radio
A un certo momento ascoltando me papà che sentiva el Lanerossi Vicensa en radio la domenega, a me domandavo cossa che la fosse che la scatoletta piccola così, e come che la fazeva a parlare da lì dentro.
Allora un bel giorno, visto che nessun la usava e la zera la tuta sola, a go pensà ben de studiarmela un poco... tanto par capire calcossa de mejo.
E così gira la torno, impissa e smorsa, a gò d'aver tocà da qualche parte, e allora a gò pensà che forse a zera mejo de metterla a novo, così  a gavrìa fato contento el papà de trovarla lì bela de prima.
Così  a do nà in bagno e a me do tolto i strumenti giusti par restaurarla:
el masteleto, na spugna e tanta acqua... !
A non ve digo me nsms e anca me papà che faccia i và fato, quando ca son rivà en cuzina con la radio in mano dizendoghe che non la nava pì...

10 - Misurare con la matita el perimetro dei muri de la camera del papà
Se i colori e le matite  a le me zè sempre piazù, devo dire che un certo trato de geometra el scomisciava anca a vegner fora.
Così un bel giorno a gò deciso de misurare el perimetro intorno al comodin in camera de me popà. A me son procurà na bela matita con la punta ben fata e a gò scomissià a tirare delle righe orizontali sul bel muro verde pena piturà.
Mi a non ne ricordo mia massa ben, ma me sa che me mama  la gà d'aver urlà chel giorno, ma puareto Piero la ghe voleva così ben da risparmiarghele sempre e lì, inventore, oviamente a zero zà pronto  a pensarghrne de nove...

11 - Tastare i calici de Capodanno
Si come a l'ultimo de l'an a semi tuti un pochetin contenti delle feste che ne fa magnare e bevare allegri, ecco che el brindisi el zè el momento de massima allegressa par sperare l'arivo de l'ano novo che si se spera migliore.
Ed eccolo mi che nelle me sperimentasion a me domandavo come che i zera fato sti bicieri un pò particolari, a forma de calice, bei larghi, tuti ricamà con dei disegni stupendi a tal punto da fazinarme  cossita tanto, che me zera vegnù voja de sentire la finezza del vero... e così tastando la sottigliessa del bordo, a gò finì par mastegarghrne uno, ris-ciando de tajarme tuta la boca...
Me mama? N'altro urlo de disperasion, un pò par el biciere eredità o de la colezion, ma sicuramente de pì par el spavento che gavesse podudo mandar zò i veri...

12 - Metare insieme le balete de Mercurio del Termometro
Questa la zè sta la volta de quando a gò vudo l'influensa, una dele tante, ma in particolare quela dove ca gò conossudo el termometro.
Si parchè, metilo soto el brasso, tiralo fora, carda dd mandar zò la misura, prima o dopo se non te lo ciao ben, se el te sbrissia, eccolo in mille tochi par tera.
Cossita che la volta che el me zè sbrizià, a ghi nò aprofità par vedare cossz che ghe zera dentro: el mercurio!
Ah, non me son mia spaventà, ansi con chele balete tute in giro a me son messo z zugarghe insieme, zercando de riunirle in te ma sola baleta, quasi a voler rimetterle a novo dentro el termometro... forse a sperare da poderlo ancora giustare in qualche maniera...

13 - 'Ndar a far la Spesa da soli
'Ndar a far la spesa zà da picolo cossì a la zè st à proprio ma bela sodisfazion, primo parchè me pareva de fare calcossa de bon par me mama (e dopo tute quele che ghi n'avevo combinà anca ingenuamente, el zera proprio el caso de fare calcossa de bon par recuperare...!), e dopo parchè el me fazeva sentire pì grande e maturo  in confronto ai altri toseti del quartiere veci come mì, anca parchè fin alla quinta elementare a zero ancora un mingherleto...
E l'ora via con la lista de la spesa in man e na borseta corare fora da casa tuto contento par girare dal mitico Bepi Pagliarusco, trovare sempre bele e bone robe che serviva par la casa e par tuta la fameja!